影片
更多
2020-06-24
104 瀏覽
今日又兩口子去食好西，多得朋友介紹知道尖沙咀呢間「豐」既Omakase 相當不錯，所以今晚專登到訪。一入門口就見到L型大bar枱，不過今日剛好有大群人book到，所以安排我們入房坐，還好！可以兩個靜靜地傾偈。晚上的廚師發板有三個價錢，我們猶豫了好一會兒在「錦.上」（$1088）還是「豐.特上」（$1288）的選擇中，兩者均是六道菜，不過「豐」當然食材會更好，最後店員提議下我們點了「錦」餐，並另加一隻靚蠔（$150），咁就皆大歡喜啦！先食前菜，幾款漬物包括酸蘿蔔和薑，好開胃。然後來客「章紅魚薄切」，雖然今次未能親眼看見師傅操刀，不過束縛切嘅結果亦都看到師傅的刀工。章紅魚比較爽口，作為第一道菜，吊下胃口唔錯唔錯。同場加映嘅北海道仙鳯趾生蠔亦登場，仙鳯趾係著名出產生蠔嘅地方，呢隻生蠔真係手掌咁大，肉質肥厚，質地滑口，鮮甜之中帶海水味，令人好回味。薄切刺身之後就係厚切嘅刺身，今晚有野生𩶘魚、拖羅和螢光魷魚。𩶘魚魚味唔係咁濃烈，不過就比較爽口。螢光魷魚非常新鮮，爽口之中帶出鮮味，而且好像有啲餡料，不知是卵還是什麼，口感豐富。拖羅亦相當美味，喜歡那種油脂慢慢滲出的感覺，感覺肥美滑嫩。接下來是壽司五
晚上的廚師發板有三個價錢，我們猶豫了好一會兒在「錦.上」（$1088）還是「豐.特上」（$1288）的選擇中，兩者均是六道菜，不過「豐」當然食材會更好，最後店員提議下我們點了「錦」餐，並另加一隻靚蠔（$150），咁就皆大歡喜啦！
先食前菜，幾款漬物包括酸蘿蔔和薑，好開胃。
然後來客「章紅魚薄切」，雖然今次未能親眼看見師傅操刀，不過束縛切嘅結果亦都看到師傅的刀工。章紅魚比較爽口，作為第一道菜，吊下胃口唔錯唔錯。
同場加映嘅北海道仙鳯趾生蠔亦登場，仙鳯趾係著名出產生蠔嘅地方，呢隻生蠔真係手掌咁大，肉質肥厚，質地滑口，鮮甜之中帶海水味，令人好回味。
薄切刺身之後就係厚切嘅刺身，今晚有野生𩶘魚、拖羅和螢光魷魚。𩶘魚魚味唔係咁濃烈，不過就比較爽口。
螢光魷魚非常新鮮，爽口之中帶出鮮味，而且好像有啲餡料，不知是卵還是什麼，口感豐富。
拖羅亦相當美味，喜歡那種油脂慢慢滲出的感覺，感覺肥美滑嫩。
接下來是壽司五點，螢光魷魚和拖羅再次出場，另外蝦、銀色小樽魚和海膽壽司，樽魚有醋漬味道，感覺和其他截然不同。海膽壽司亦都相當新鮮，海膽嘅香氣喺口裏面迴旋， 十分好吃。
除了刺身，今次嘅廚師發板還有西京燒，我十分喜歡吃呢！加上佢哋自家製嘅醬油，真係錦上添花！
日本菜喜歡把湯放到很後嘅位置，今晚學的是和牛湯，店員之前會徵詢你是否要落Wasabi，我選擇了偏小量，不過飲嘅時候完全唔覺，反而係清甜為主，還有一舊和牛牛腩，好嫩口呢！
最後的甜品選了紅豆雪糕，為整晚畫上完美句號。
張貼
