大吃大喝 (已搬遷) 新店位置

早兩日出左OT錢, 於是今日小妹就拎住E筆生果金💵去果欄買水果😆!買完落地鐵站果陣見到間小食店好多人排隊, 於是就去望下🤭🌟樽仔奶茶茶味濃, 奶味香, 飲落幾滑而且唔太甜🌟薏米水薏米味好濃, 甜度適中幾解渴🌟 香濃沙嗲牛肉滑蛋三文治🐂🍳🥪小妹加左芫茜同烘左底😍, 三文治即叫即製, 一打開個盒烘底麵包味好香, 咬落去外層幾脆, 麵包厚度適中鬆軟幾煙韌, 饀料足料足量, 沙嗲牛肉味道濃郁但同時都食到清新嘅荽茜味🤭, 牛肉口感柔軟入味, 炒蛋嫩滑而且有蛋汁幾好味!🌟芋泥肉鬆三文治🥪小妹都有叫烘底, 同樣入口鬆脆, 芋泥入面仲有一粒粒嘅芋頭, 加埋肉鬆, 咸咸甜甜, 口感豐富!🌟藍紋芝士蜜糖芥末薯條🧀🍯🍟薯條香脆加埋芝士同蜜糖芥末好邪惡😈🌟一口鹽酥雞🐔酥脆可口, 咬落去幾juicy!