牛大人台灣火鍋吃到飽 (瓊華中心) (已搬遷) 新店位置

今日再次嚟到超人氣放題火鍋店牛大人打邊爐，呢間來自台灣嘅火鍋店水準十分穩定，水準絕對有保證，所以我其實耐唔耐就會黎回味下😂大肚腩同朋友今次就揀咗極上和牛吃到飽套餐🦴紅燒牛骨鍋湯底湯底飲得出好濃嘅牛骨味，會有好輕微嘅辣度，非常惹味🥩肉類選擇非常之多不過黎到牛大人梗係就主攻牛，要瘋狂食均哂唔同部位嘅牛肉啦😝個人就最推薦美國SRF黑牛後腿肉，牛味好濃郁，油脂比例都balance，肉質嫩滑又有咬口，淥大約八至十秒就可以食得，過咗龍就可能會有小小靭㗎啦🤓澳洲和牛牛肩卷都唔錯，相反油香味比較重，牛味就適中，肉質帶點口感仲有安格斯牛小排、手切封門柳都非常好味我呢個餐仲包咗每人有兩粒澳洲和牛牛丸，一咬落去爆曬汁😋牛嘅油脂感十足，口感彈牙，帶黎豐富嘅滋味😍🥟台式火鍋配料鴨血🦆醃得好入味，而且好滑嫰黑松露海鮮漿🐟充滿住濃郁嘅黑松露香氣，十分彈牙澎湖花枝漿🦑食得出好足料，咬落去有一粒粒嘅墨魚肉，口感好豐富完美咁呈現到墨魚嘅鮮味台式蛋餃🥚今次第一次食，入面係豬肉餡，蛋皮都幾滑有微微嘅蛋香，唔錯🧋自助Bar有好多唔同款嘅蔬菜選擇，非常新鮮飲品區有自家製冷泡桂花烏龍、白桃烏龍都係無糖茶飲落十分清新，健康又好飲之選