月．火鳳燒鳥 (已結業)

旺角白布街同黑布街呢一頭，不嬲都有唔少隱世嘅餐廳，今晚我又同朋友嚟咗呢一度「搵食」，發現咗一間新餐廳門面相當低調同埋高雅，唔認真睇會唔知係一間餐廳，門口以一個月亮為logo，沒有刻意寫上餐廳名字，感覺上幾特別。一入到餐廳就見到日本爐端燒嘅格局，師傅們好忙碌地燒緊客人嘅串燒，香氣撲鼻，真係流曬口水呀～因為諗唔到食乜所以就決定由廚師發辦Omakase，第一碟就上咗前菜凍蕃茄，跟住就係刺身啦！有常見嘅吞拿魚同埋帶子等等，唔常見嘅就有魚肝，因為食材夠新鮮，所以鮮甜順口。呢碟金雕甲鱗燒值得一提！因為之前曾經喺日本嘅餐廳食過，一試難忘，因為佢嘅煮法係留番一啲魚鱗一齊去燒，就會令到成個魚肉唔單止有軟熟嘅口感，仲會增加左魚鱗嘅酥脆，大家不妨試試。師傅教路要將旁邊嘅蔥花同埋蘿蔔碎都擺係個汁入邊，再點汁食係最好味架！之後師傅都燒左幾種燒物俾我哋試，佢問過我哋敢唔敢食特別嘅部位，我哋話OK，佢就俾咗雞頸同埋雞屁股俾我哋試，哈哈，其實唔話你聽，你都唔會食到係咁特別既部位～當然，師傅都燒左一啲平常都食到嘅串燒俾我哋試，例如係雞翼咁樣，燒得好好味呀！我地仲叫左純米吟釀，呢個酒具好特別，到走嘅時候會發出雀仔嘅叫聲，