玖拾烘焙 (已結業)

之前上堂經過玖拾烘焙好多次，鋪頭睇落好光猛乾淨，呢間bakery其實係一間人氣ig shop既實體鋪面，幾個朋友食過都話幾正。全部包類主打純手工製作，無添加，其中bagels真係每日都有成十幾款出爐，琳琅滿目！烏龍鳳梨乳酪貝果（$34）Bagel係低糖鹽無油，今次我揀咗包餡款，果然係用料講究，bagel口感煙韌，有茶香，而餡料係cream cheese 加菠蘿，果香突出加幼滑芝士，加熱食好正！肉桂卷（$22）軟包款就揀咗兩款，肉桂卷有少少糖粉係面，成個包好飽滿，咬落香濃肉桂味，口感鬆軟！芋泥鹹蛋黃奶酥吐司（$22）呢款包完美演繹咗芋泥加鹹蛋呢個配搭，鹹甜鹹甜，味道豐富。