影片
更多
2023-01-24
73 瀏覽
餐廳面積都幾大，一啲都唔迫，而且唔會煙霧離漫👍🏻。上菜速度好快，食物款式花樣夠多，淨係烤魚已經有六個口味揀😮，如果想享齊人之福一次過食兩個口味嘅話嘅話仲可以加$20要雙拼😜。🔥#絕品烤魚 ：除咗有唔同口味之外，魚嘅品種同樣由你選擇，有#清江魚($268)、#海鱸魚($268)、#江團魚($308)。我哋食嗰個係清江魚，魚肉嫩滑得嚟又入味，雖然條魚對半斬開咗，每邊爐半條魚，但其實魚肉好厚身好夠食😋。魚骨唔算多，但都有細骨要慢慢食。🥬配料選擇👇🏻👇🏻：如果覺得唔夠喉仲有多款配菜可以加點，我哋就另外叫咗鴨血、響鈴、紅薯粉、土豆片，四款加埋組合價$68。鴨血口感結實零腥味，土豆片保留爽脆口感，響鈴同紅薯粉非常吸湯勁正。➖➖➖➖➖➖🐟烤魚口味👇🏻👇🏻：🧄#蒜香酸菜口味蒜蓉油香十足，酸菜相對溫和，適合一啲唔食辣嘅朋友仔。➖➖➖➖➖➖🫑#藤椒青椒口味一串串嘅藤椒如果唔咬開其實冇咩味，但一咬爆條脷會feel到好麻，成個湯底越食越麻辣。除咗烤魚之外我哋仲叫咗啲小食同飲品：🍜#蔥油拌麵 ($38)▪️麵質彈牙▪️唔會油淋淋，偏乾身▪️蔥油非常香✨(初初就係聞到隔籬枱食緊我哋先想食)🐠#藤椒麻辣魚皮 ($52)▪️
餐廳面積都幾大，一啲都唔迫，而且唔會煙霧離漫👍🏻。上菜速度好快，食物款式花樣夠多，淨係烤魚已經有六個口味揀😮，如果想享齊人之福一次過食兩個口味嘅話嘅話仲可以加$20要雙拼😜。
🔥#絕品烤魚 ：
除咗有唔同口味之外，魚嘅品種同樣由你選擇，有#清江魚($268)、#海鱸魚($268)、#江團魚($308)。
我哋食嗰個係清江魚，魚肉嫩滑得嚟又入味，雖然條魚對半斬開咗，每邊爐半條魚，但其實魚肉好厚身好夠食😋。魚骨唔算多，但都有細骨要慢慢食。
🥬配料選擇👇🏻👇🏻：
如果覺得唔夠喉仲有多款配菜可以加點，我哋就另外叫咗鴨血、響鈴、紅薯粉、土豆片，四款加埋組合價$68。鴨血口感結實零腥味，土豆片保留爽脆口感，響鈴同紅薯粉非常吸湯勁正。
➖➖➖➖➖➖
🐟烤魚口味👇🏻👇🏻：
🧄#蒜香酸菜口味
蒜蓉油香十足，酸菜相對溫和，適合一啲唔食辣嘅朋友仔。
➖➖➖➖➖➖
🫑#藤椒青椒口味
一串串嘅藤椒如果唔咬開其實冇咩味，但一咬爆條脷會feel到好麻，成個湯底越食越麻辣。
除咗烤魚之外我哋仲叫咗啲小食同飲品：
🍜#蔥油拌麵 ($38)
▪️麵質彈牙
▪️唔會油淋淋，偏乾身
▪️蔥油非常香✨(初初就係聞到隔籬枱食緊我哋先想食)
🐠#藤椒麻辣魚皮 ($52)
▪️魚皮非常非常非常爽脆😆
▪️有微微麻辣感覺
▪️青瓜爽脆開胃
🍆#燒茄子 ($38)
▪️茄子肉軟腍腍
▪️超多蒜蓉，辣味突出
🍓#草莓番石榴乳酸梳打 ($42)
▪️乳酸味道較重，唔會太甜
▪️有一粒士多啤梨乾，好似零食咁脆
▪️最底有寒天粒粒
➖➖➖➖➖➖
🍹#藍天乳酸梳打 ($42)
▪️同樣乳酸味太出眾
▪️清甜得嚟非常解渴
▪️一樣有寒天粒粒係底
➖➖➖➖➖➖
估唔到寶琳會有間咁好食嘅烤魚🤩，而且幾受歡迎，見到一直都好多人排隊，不過好似可以訂位，如果有興趣嘅朋友可以入嚟寶琳試下😝。
張貼
