一鍋堂 (XX Arcade) (已結業)

近排冇得晚餐冇得堂食🥺唯有午餐食，約咗朋友仔喺旺角行街，一鍋堂火鍋放題我諗冇邊個未食過，水準有返咁上下唔使擔心。坐得幾舒服嘢食唔錯~🤓$178 /100分鐘任食放題。湯底方面選擇好多，近排新出左周打蜆忌廉湯/蕃茄羅勒湯，係旺角店限定😀忌廉湯咁正一定唔可以錯過，另外加$50就可以要鴛鴦湯底，另外嗰個要咗胡椒豬肚湯。近排天氣咁凍打邊爐就最啱，入到去見到嘢飲貴勁多款，除咗有常見嘅汽水之餘，仲有餐廳自家茶，薄荷烏龍、碟豆花茶，等等，都係比較新穎。火鍋肥牛算唔錯，好薄幾香牛味，幾秒就食得，任食牛來講非常不錯。海蝦肉質爽口，正。值得一讚係有手脷心托，因為喺其他地方未食過。切得好薄，有少少脂肪黐住，有咬口之餘好香牛味，勁好食!!!!另外勁推介手打三寶丸，勁香口。麻辣豬肉餃，入面啲麻辣汁滲晒出嚟，熱辣辣好好食。火鍋配料比足，唔會偷偷地比少啲你🤣蔬菜方面同其他日式火鍋餐廳一樣，係自助，睇落清潔得都好乾淨，可以放心食用，仲有羽衣甘藍添😚感覺都唔錯。丸類都唔少基本上嘅腸仔、芝士魚腐、牛丸等等都有齊，好乾淨。飲品方面，有無糖有低糖，種類選擇多。甜品更加正就係有我最愛嘅芝麻雪糕🍦好正