影片
更多
2022-05-17
392 瀏覽
高質火鍋遇上超抵啤酒優惠無啦啦又凍返，即係代表又要打邊爐啦。朋友話要去呢一間試，因為佢依家都做緊$100有100支德國啤酒嘅優惠，真係夠晒震撼。今晚都叫咗好多樣嘢，包括首設本地牛頸脊、象拔蚌刺身、聖子、鮑魚、鱔片、羊肉、韭菜餃、水餃同埋牛白肉，非常豐富。首先想講一講佢個$100一百支德國啤酒優惠，原來唔係要一次過飲晒(講真一次過點飲得晒)，佢係開plan起計兩個月內飲晒就OK，最正就係可以叫friend嚟講自己個電話號碼就可以照用呢個啤酒plan，佢仲有八款啤酒任揀，超抵玩。我哋今晚都算勁，飲咗17支，有相為證。跟住要講啲食物，首先叫咗炸魚片頭、紫菜炸響鈴同埋爭午餐肉作餐前小食，魚片頭就間中都會食到，不過個咋午餐肉就比較少見啲，兩樣味道都唔錯，用嚟餸酒一流。跟住上枱嘅係象拔蚌刺身，條象拔蚌好新鮮好爽口。碟牛頸脊都好靚，牛味濃兼有啲𡁻口，脂肪分怖都唔錯，好食。牛白肉師傅切得夠薄，焯一焯就食得，爽口好食。羊肉一啲都唔羶，不過好似刨得厚咗少少，所以一唔小心淥耐咗就有少少韌。鱔片好新鮮，唔係啲千年雪藏貨。侍應提我哋個聖子水滾落淥10秒左右就食得，我哋跟足指示做，真係啱啱熟，鮮味得來夠爽夠彈牙兼
無啦啦又凍返，即係代表又要打邊爐啦。朋友話要去呢一間試，因為佢依家都做緊$100有100支德國啤酒嘅優惠，真係夠晒震撼。
今晚都叫咗好多樣嘢，包括首設本地牛頸脊、象拔蚌刺身、聖子、鮑魚、鱔片、羊肉、韭菜餃、水餃同埋牛白肉，非常豐富。
首先想講一講佢個$100一百支德國啤酒優惠，原來唔係要一次過飲晒(講真一次過點飲得晒)，佢係開plan起計兩個月內飲晒就OK，最正就係可以叫friend嚟講自己個電話號碼就可以照用呢個啤酒plan，佢仲有八款啤酒任揀，超抵玩。我哋今晚都算勁，飲咗17支，有相為證。
跟住要講啲食物，首先叫咗炸魚片頭、紫菜炸響鈴同埋爭午餐肉作餐前小食，魚片頭就間中都會食到，不過個咋午餐肉就比較少見啲，兩樣味道都唔錯，用嚟餸酒一流。
跟住上枱嘅係象拔蚌刺身，條象拔蚌好新鮮好爽口。
碟牛頸脊都好靚，牛味濃兼有啲𡁻口，脂肪分怖都唔錯，好食。
牛白肉師傅切得夠薄，焯一焯就食得，爽口好食。
羊肉一啲都唔羶，不過好似刨得厚咗少少，所以一唔小心淥耐咗就有少少韌。
鱔片好新鮮，唔係啲千年雪藏貨。
侍應提我哋個聖子水滾落淥10秒左右就食得，我哋跟足指示做，真係啱啱熟，鮮味得來夠爽夠彈牙兼唔韌。
個鮑魚好好食，好新鮮好彈牙，而且冇縮細，應該質素唔錯。
韭菜餃同埋水餃係自家製嘅，餡料撈得好食。
張貼
