相馬日式火鍋 (已結業)

最近疫情好反覆，趁開返晚市堂食又係時候約朋友一齊食飯吹水啦，朋友話見到西環有間性價比超高既火鍋放題，除左任食牛豬雞肉之外，仲有海鮮、小食同雞翼都好吸引，一於跟佢食餐好既~🔥中華辣湯 & 豬骨湯底朋友係麻辣控，所以叫左中華辣湯，中華辣湯用上大量牛骨再加埋適量辣椒，辣度惹味🌶🌶🌶，我自己就叫左豬骨湯底，豬骨湯底配海鮮係最夾既🔥配料餐廳設有自助配料區，可以自己拎丸類同蔬菜，仲有醬料區，重口味既朋友可以瘋狂拎炸蒜啦，時令蔬菜非常新鮮，食左幾round肉係時候要拎返啲菜黎食，私心推介粟米，真係好鮮甜，咬落去啲肉汁唧哂出黎🔥日本鹿兒島黑豚肉我地揀左個鹿兒島黑豚肉，真係幾高質wor，脂肪分佈得幾靚，配上特製醬料及蔥蒜一齊食，別有一番風味。🔥雞腿肉雞腿肉無骨啖啖肉岩哂我，就算淥耐左都唔會影響口感，肉質嫩滑有咬口，索哂辣湯極惹味。🔥雞翼拼盤第一次見到日式火鍋放題會有咁多口味既雞翼，上枱個刻已經好震撼，自問係個雞翼控，一次過可以食十幾隻雞翼，最欣賞係蜜糖雞翼同土匪雞翼，單骨雞翼食起上來非常方便，我唔食辣但朋友話麻辣雞翼都好好食咗