影片
更多
2017-06-08
2140 瀏覽
如果人少少任食火鍋係不二之選，如果人多多就可以搵間高質素散叫既，難得朋友約去打邊爐，地點又方便，食物新鮮種類多兼比較特別，價錢雖然貴少少，但大家除返開都唔駛三百蚊，算係物超所值啦！醉鷄鍋 $128雞件唔知係例牌定半隻，好滑好多肉，湯底唔會太過勁酒味，但打完邊爐後就非常濃郁，超好味！極上牛肉刺身 $128刺身唔點醬油係完全無味，要放湯淥一淥ｄ牛羶味先出，咁食法倒不如叫多碟肥牛！安格斯牛頸脊 $198牛味濃，輕輕一淥已經好好食，油脂香而且肉又唔會靭，推介！牛骨髓 $38骨髓好大條好滑，淥好耐都唔會爛。芝士蝦丸 $82超好味，芝士同蝦丸非常夾，蝦丸質地較似蝦滑，一咬落去芝士會爆出嚟，極力推介！芝士墨魚丸 $82呢個墨魚丸相對地比較硬身少少，同芝士都夾，但問題係墨丸質感麻麻地。蟹籽墨魚滑 $72淥完之後，完全無晒蟹籽，墨魚滑味道又唔太墨魚，不試也罷！炸腐皮 $45自家炸腐皮，超大塊又唔油膩，好新鮮好好味！炸魚皮 $45一客只得6-7塊，又係超大塊，超脆超新鮮超好味！鬼馬蝦膠 $58油炸鬼上釀蝦膠，好特別口感係上軟下硬，不妨一試！招牌餃 (黑松露蟹肉餃) $88一咬即有香濃松露味，超好味！隻餃大
103 瀏覽
0 讚好
0 留言
醉鷄鍋 $128
雞件唔知係例牌定半隻，好滑好多肉，湯底唔會太過勁酒味，但打完邊爐後就非常濃郁，超好味！
極上牛肉刺身 $128
刺身唔點醬油係完全無味，要放湯淥一淥ｄ牛羶味先出，咁食法倒不如叫多碟肥牛！
安格斯牛頸脊 $198
牛味濃，輕輕一淥已經好好食，油脂香而且肉又唔會靭，推介！
牛骨髓 $38
骨髓好大條好滑，淥好耐都唔會爛。
芝士蝦丸 $82
超好味，芝士同蝦丸非常夾，蝦丸質地較似蝦滑，一咬落去芝士會爆出嚟，極力推介！
芝士墨魚丸 $82
呢個墨魚丸相對地比較硬身少少，同芝士都夾，但問題係墨丸質感麻麻地。
蟹籽墨魚滑 $72
淥完之後，完全無晒蟹籽，墨魚滑味道又唔太墨魚，不試也罷！
炸腐皮 $45
自家炸腐皮，超大塊又唔油膩，好新鮮好好味！
炸魚皮 $45
一客只得6-7塊，又係超大塊，超脆超新鮮超好味！
鬼馬蝦膠 $58
油炸鬼上釀蝦膠，好特別口感係上軟下硬，不妨一試！
招牌餃 (黑松露蟹肉餃) $88
一咬即有香濃松露味，超好味！隻餃大大隻，但蟹肉我就唔太食到。
珊瑚蚌 $90
太細件太碎，食唔到爽口感覺！
脆鯇片 $45
SORRY 唔食呢種魚，所以無食評。
芋絲 $28
最啱用嚟吸醉雞味，正！
雙籽蟹蝦雲吞 $62
蝦超彈牙皮又薄，雙籽就唔多覺食到，但雲吞大大粒都值得一試。
稻庭烏冬 $38
唔知係邊個牌子既稻庭烏冬，淥完出嚟好淋身，口感唔ok！
唐生菜 $32
萵荀片 $32
竹蔗水 $30
嚟酒 $30
整體嚟講都算滿意，除咗食物質素高之外，環境都乾淨寛敞，下次都會再嚟！
6人共消費: $1,640
張貼
