新泰東南亞餐廳 (已結業)

男友轉左係灣仔返工，放工搵佢去左新泰食晚餐。因為佢鐘意食炸野，我地就點了「小食拼盤」。拼盤包括蝦餅、魚餅、春卷與肉碎生菜包。我最鐘意就係食蝦餅，蝦餅炸得好脆，蝦肉彈牙又鮮味。魚餅都估唔到咁爽牙。春卷幾脆又不會太過油膩。肉碎生菜包小妹就真係好少食。肉碎有少少辣配上生菜又幾好味。因為小妹真係好鐘意食海鮮。所以點了「日本南瓜焗海鮮飯」呢個焗飯真係幾正。因為佢係成個南瓜上，賣相都幾得意。哈哈。南瓜味都幾出既，我同男友都未試過食南瓜焗飯，都幾驚喜。而當中既海鮮都真係幾足料喎。「貴妃苗」係男友推薦食。因為佢食開呢款菜，話好少餐廳有得食叫我一定要試。小妹估唔到佢個菜真係幾爽脆同新鮮。男友果然無介紹錯呀！小妹仲點了食泰國菜必飲既大大個椰青添。