民華餐廳 (已結業)

下午茶時間到，同朋友們去左食野，最好就係食茶記，聽聞呢到嘅西多士好出名，叫左件後試，加埋紅豆冰，邪惡呢！呢到係用上厚切方包，炸到外層黃金色，食落非常甘香，入面軟綿綿，呢到唔係比糖漿，係淋勁多煉奶，中間仲要有一大塊厚牛油片，邪惡萬分！不過咁邪惡先好味嗎！紅豆冰，紅豆已沾半杯，足料！朋友叫左蕃茄牛肉通，鮮豔嘅蕃茄色，朋友話湯底幾酸酸甜甜，醒胃！不過通粉佢食唔哂，因為份量太多，另配多士、炒滑蛋、火腿同咖啡！