El Portal (已結業)

原來廟街牌坊唔係只係得大排檔，仲有高質地中海餐廳！餐廳位於商業大廈2樓，窗口望出去就係大大個牌坊喺眼前，所以餐廳命名為portal。餐廳亦係Party Room，有大型唱K螢幕，可以預約包場。重點係廚房嘅製作，真係好高水準，有相為證。Tapas 烤八瓜魚配鷹嘴豆泥，烤八爪魚好香，好大件。燒烤黑豬肋排配松露醬烤南瓜，豬肋排烤得剛剛好，粉嫩嘅豬肉嫩滑又入味。墨魚汁意大利粉配大蝦，意粉好似Creamy左小小，不過都幾好食，蝦肉彈牙新鮮。我同太太食完之後高度評價，期待下一次再嚟試其他未食嘅款式。