一起果醬 (已結業)

Let’s jam @ 尖沙咀每次想食多士，都會諗到let’s jam，大大塊自家制果醬，真係點搽都夠，仲要有好多款選擇。幾乎每次去食早餐，我都會揀6號餐，因為可以自選果醬，今次就揀咗熱帶風情，朋友就揀咗蛋黃菠蘿，之後兩個人share食，就可以食到兩個味😍因為果醬太足料，如果怕甜嘅朋友就唔好全部搽晒，不過我就鍾意大大啖果醬，好滿足。兩隻醬都好好味，個人偏向菠蘿多少少，好清新同埋好fresh🥰6號餐仲有碗細細碗嘅火腿湯通粉，都好好味呀，好濃嘅湯底，會連湯都飲埋。另外當然有嘢飲，嘢飲選擇好多，不過我一般都係揀latte，味道都唔錯。食完早餐又開始新嘅一日🥰