海南少爺 (已結業)

今日係尖沙咀行完街，返到屋企應該都好晏唔會想煮飯，所以見到海南少爺5點後外賣自取8折，當然唔可以錯過喇～星洲醬油參巴炒蘿蔔糕（$90）- 見到佢哋推介就試下喇。個蘿蔔糕炒得好有鑊氣，好有蛋香味，又唔會過油，配埋芽菜口感更佳。海南雞飯（$110）- 雞肉好嫩滑，而份量都唔少。個油飯煮得好入味仲有啲煙韌感，個飯仲跟埋菜心。馬來西牙肉骨茶（$150）- 我最鐘意食肉骨茶，而呢個馬拉版本係好重藥材味，個湯撈飯食一流。仲可以自選兩款肉，我嗌咗排骨同豬腩肉，好腍好入味。另外仲有魚皮、油炸鬼同響鈴，係個熱嘅肉骨茶湯裡浸腍好好食。滷水拼盤（$148）- 呢個拼盤好豐富，有豬手、雞腳、鴨蛋、豆腐同花生。不得不提個鴨蛋係糖心蛋，超好食。椰香桂圓紫米露（$58）- 我覺得呢個有啲甜，但紫米好足料，而桂圓就較少。