鮨政 (已結業)

今日黎到鮨政係香港仔呢間分店，都係好好坐，店員態度好好，最重要啲食物好好食。我地先黎個小食炸雞翼，香脆既雞翼炸到索索聲，皮好脆又好香，雞肉好滑好嫩，十級好食(☻-☻)壽司方面我地真係試勻咁濟，先叫一個壽司拼盤(上)($400)，12件大壽司加6件三文魚細卷，好滿足呀！我特別中意食入面既吞拿魚同油甘魚腩，吞拿魚好新鮮，唔會好肥，但魚肉肉質好實，好有咬口，而且好鮮味。另外油甘魚腩好嫩好腍身，油香十足，好食到爆呀(^o^)/另外叫佐軟殼蟹卷，軟殼蟹好脆又有膏，好香同壽司飯好夾；火炙鰻魚壽司，鰻魚好香好厚，粒飯又唔會太大粒，食到壽司飯都有燒汁香，好味；香蔥吞拿魚腩軍艦，吞拿魚腩好肥美，淡淡既魚香係口入面唔散，香嫩好食；海膽壽司，海膽甘香新鮮，完全唔腥唔臭，海膽好濃稠好出色；醋青魚壽司，魚肉爽爽地幾有咬口，有啲醋酸酸地，加埋香蔥好開胃，好正(¯︶¯)我地仲叫埋蟹子沙律，蟹子好多，加上點晒沙律醬既青瓜絲撈埋沙律菜一齊食，好開胃好正呀^_^