風流居酒屋 (已結業)

超級開心，今日去咗搵一個朋友食lunch，去到大圍嘅地方，本身人生路不熟都唔知有乜嘢好食！點知朋友介紹咗我去呢一間風流居酒屋🏮就咁望落去就已經覺得好有特色，而且非常有日本嘅風味！入到去嘅時候果然不出我所料，真係非常有日本嘅風格，用咗好多木嘅裝修，令到成個感覺氣氛非常良好！我自己叫咗一個天丼，係一個雜錦天婦羅嘅飯，一上枱嘅時候就已經聞到好香嘅天婦羅味道，非常正！而且呢個雜錦天婦羅嘅份量非常十足，有唔同嘅天婦羅可以食得到，我自己好鍾意食呢個大蝦嘅天婦羅！炸粉厚薄適中，而且大蝦爽滑彈牙！另外我朋友叫咗鹽燒牛舌丼！好豐富嘅好事，而且呢個牛先用咗鹽燒嘅方式，所以少少簡單嘅調味就已經好香！而且呢個牛舌嘅味道真係好香濃，對於鍾意食牛舌嘅來講絕對係非常喜歡！