旬. 食事處 (已結業)

中午係佐敦做完野後，同同事一起去食飯，行下行下見到間日本野，大家都有興趣就入去試下如何。我地嗌左兩個餐，一個係黑椒汁牛仔骨飯同原條鰻魚飯。每個餐都附有前菜，係中華沙律同一塊甜品（有時係楊枝甘露有時係其他野），同埋有送麵豉湯，味道正常但偏鹹。黑椒汁牛仔骨飯其實仲有比幾塊炸雞，份量唔係好多，但味道OK既，牛肉好入味；炸雞好細塊當係噱頭，仲有少少辣味。全條鰻魚飯個鰻魚唔係好大，我估一定冇全條鰻魚既份量，之前去其他餐廳食全條鰻魚既份量係呢個兩倍，不過我本人特別中意鰻魚所以都算OK，但性價比就好低，縮水好多。