MR. MAKI (金巴利大廈)

營業中

休息中

放工就急急腳咁去買個外賣，諗住咁鬼凍就喺屋企睇住戲食壽司。點知自己冇帶到鎖匙😭 變左食住風叫食壽司。不如好好彩，呢個外賣又幾唔錯。配以沙律🥗做前菜，非常開胃。之後就係夠晒熱既新鮮出爐薯條同蕃薯條。首先講下個薯條，唔會話太油或者好多鹽，味道岩岩好。蕃薯條同薯條一樣咁脆，食落仲有啲甜味。食完呢兩樣野夠晒暖身。主菜就係魚生飯同或加州卷。講講個魚生飯先，啲刺身夠晒厚而且仲鮮味十足。咬落去可以話係啖啖肉👍🏻 之後就係個加州卷，軟殼蟹再配上牛油果既配搭！食完一舊又好快想食多舊。本身油炸既軟殼蟹俾牛油果吸左啲油，食落去就有軟殼蟹味同牛油果既香。高質😛