驚安燒肉商店

營業中

休息中

放工拉埋幾個朋友一齊嚟食日式燒肉，第一次嚟，心思思咩都想試吓，最後經店員介紹後，揀咗「激安 · 一圈入魂」，當係入門級樣樣都試吓。個餐足足包咗十款牛，有厚切牛舌芯、和牛三角腩、和牛友三角、和牛沙巴當、和牛五花、和牛腹脅、一口和牛、和牛牛頸脊、極黑和牛及壺漬牛肋肉，完全滿足我哋一班嘴刁嘅牛魔王！配埋Sapporo生啤酒同紫菜月見飯，簡直入口銷魂！見到店員拎成盤牛過嚟時，大家都哇一聲，十款牛肉放喺大圓盤上，擺盤很精緻，非常打卡able，點都相機食先。咁多款牛肉之中，最欣賞係「和牛三角腩」，油花多且分布最均勻，牛味濃郁，燒到半熟有入口溶化的口感；另外，鍾意比較有咬口嘅「和牛五花」及口感爽彈「牛舌芯」！大家記得配埋三款醬汁（日式燒汁、蒜蓉、辣椒青檸汁），會令燒肉嘅味道更豐富。⭐️⭐️驚安喺午市/宵夜 時段做緊59折優惠，加上Sapporo生啤酒買一送一優惠，大癲！⭐️⭐️如果湊岩呢啲時段嚟食，真心超抵，未食完已即刻約定班fd再嚟食，下次再訪會重點試特色嘅牛部位，今次食入門級完全大滿足👍🏻👍🏻