Amazake (已結業)

窮遊香港-高質既可以一試.周不時都會係中環覓食，今日老闆話請客食lunch，我地二話不說，就book咗係公司附近既呢間日本餐廳。我地一行5人，去到餐廳，我地事前無特別要求，但估唔到都留咗間廂房比我地，環境很好，非常寧靜。今次點咗刺身定食($200)，定食都配有沙律、蒸蛋同味噌湯，蒸蛋非常滑，超鐘意主菜刺身好豐富，有8款刺身，海膽、油甘魚、甜拿魚都鮮甜美味！配埋飯食好夠飽，最後上埋甜品，雖然食落只係普通維記迷你雪米糍，但都大滿足呢個價錢係中環黎講，性價比都算唔錯，推介！