鍾爺爺海鮮火鍋刺身專門店

營業中

休息中

最近聽到好多人介紹呢間火鍋，今日咁啱嚟到太子，咁就一於嚟試吓啦。呢度嘅湯底價錢好平，唔使約埋一大班朋友share，就算係兩個人食都好抵。而且佢嘅配料價錢都好平，$30 40就叫到新鮮嘅手打丸啦。一嚟到見到呢度已經好多客人，但佢嘅位幾闊落，坐得都好舒服，不過大家想黎嘅話應該要book枱先比較好。我哋叫咗個鴛鴦湯底，分別係沙嗲湯同埋皮蛋芫荽豆腐湯。我自己就覺得個皮蛋芫荽湯好出色，因為紋絡好新鮮好開胃，而我朋友就鍾意沙嗲湯，食落唔係太辣，大人小朋友都食得。我哋叫咗個手切頸脊肥牛，一上枱已經見到佢嘅牛好靚，食落好重牛味，而且好新鮮，就咁用清湯都好好食呀。而我最欣賞嘅就係呢個脆鯇片，因為價錢好平只係$48 ，而且食落好新鮮，又脆又有魚味。而且呢間餐廳嘅大啤酒都好平， Sapporo $28就有一支啦，啱晒一大班朋友一路打邊爐一路飲啤酒，傾一晚計。呢間餐廳價錢又平，食物質素又高，所有嘢都好新鮮，唔怪得咁高評價啦，遲啲我都一定會再黎呀。