影片
更多
2021-08-12
152 瀏覽
今日去咗食豬料理好出名嘅The Salted Pig，好想同大家分享一下～The salted pig係招牌菜式而聞名，會選用豬嘅最好部位，確保用優質同埋新鮮嘅食材製作食物。除咗豬肉，亦有好多其他菜式選擇，真係有排你㨂。The Salted Pig位於荔枝角工商業區，裝修用上酒吧風格，感覺好chill好舒服，座位寬敞，啱晒一班人嚟傾偈食嘢，仲可以慢慢坐。侍應好有禮貌，仲會解釋吓餐牌嘅特色，抵讚Starter：香煎牛扒沙律、藍芝士、烤合桃、煙肉、車厘茄、炸洋蔥圈 $192用上新鮮沙律菜配藍芝士，加上有烤合桃、煙肉、車厘茄等配料，非常惹味又醒胃，口感豐富。香煎牛扒，牛扒剛剛熟，軟淋淋，牛味頗濃，好易入口。炸洋蔥圈即叫即炸，上檯仲係熱辣辣，而且洋蔥本身好甜，非常好食。Green pig：新豬肉肉醬意粉、巴馬臣芝士 $168用上新豬肉嚟整肉醬意粉，同一般肉醬意粉口感差唔多，而且更加健康。肉醬煮得好入味，配上巴馬臣芝士，香濃芝士味配上惹味肉醬，令到呢一道菜好出色Main course: 招牌德國鹹豬手、烤薯、酸菜、芥末籽忌廉汁 $3081公斤嘅鹹豬手非常重磅，夠晒兩個人食。豬手即叫即焗，外皮趣脆
The salted pig係招牌菜式而聞名，會選用豬嘅最好部位，確保用優質同埋新鮮嘅食材製作食物。除咗豬肉，亦有好多其他菜式選擇，真係有排你㨂。
The Salted Pig位於荔枝角工商業區，裝修用上酒吧風格，感覺好chill好舒服，座位寬敞，啱晒一班人嚟傾偈食嘢，仲可以慢慢坐。
侍應好有禮貌，仲會解釋吓餐牌嘅特色，抵讚
Starter：香煎牛扒沙律、藍芝士、烤合桃、煙肉、車厘茄、炸洋蔥圈 $192
用上新鮮沙律菜配藍芝士，加上有烤合桃、煙肉、車厘茄等配料，非常惹味又醒胃，口感豐富。香煎牛扒，牛扒剛剛熟，軟淋淋，牛味頗濃，好易入口。炸洋蔥圈即叫即炸，上檯仲係熱辣辣，而且洋蔥本身好甜，非常好食。
Green pig：新豬肉肉醬意粉、巴馬臣芝士 $168
用上新豬肉嚟整肉醬意粉，同一般肉醬意粉口感差唔多，而且更加健康。肉醬煮得好入味，配上巴馬臣芝士，香濃芝士味配上惹味肉醬，令到呢一道菜好出色
Main course: 招牌德國鹹豬手、烤薯、酸菜、芥末籽忌廉汁 $308
1公斤嘅鹹豬手非常重磅，夠晒兩個人食。豬手即叫即焗，外皮趣脆卜卜，內層脂肪同瘦質均勻，食落好軟綿綿。加上鹹豬手烤得啱啱好，一啲都唔鞋口。外皮香脆，內裏軟淋，口感豐富，食完再想食。配菜同樣出色，有烤番薯、薯仔，加上現時芥末籽忌廉汁，將焗嘅配菜，顯得更加出色，好好食
甜品：蜜糖蘋果脆脆、雲呢拿雪糕 $82
頂層有雲呢拿雪糕，旁邊有用糖水浸製咗嘅蘋果，加上奶凍做底，口質獨特，唔算好甜。加上脆脆片，口感豐富，好食
飲品：
Tango- 甜蜜探戈柚子茶、西柚紅莓菠蘿汁、士多啤梨、梳打 $62
酸中帶甜，非常開胃。加上有粒粒士多啤梨，口感清新
Oreo Madness- Oreo 曲奇朱古力忌廉奶昔 $68
口感有啲似沙冰，用上Oreo朱古力，唔算太甜，大滿足
揚揚整體評分：9/10
揚揚環境評分：8/10
揚揚味道評分：9/10
揚揚服務評分：9/10
揚揚抵食程度：8.5/10
揚揚返食機會：9/10
張貼
