媽咪雞蛋仔 (已結業)

港式小吃多籮籮，其中一樣一定要數雞蛋仔，大人細路都鍾意。所以每次經過【媽咪雞蛋仔】，都一定會幫襯因為一定夠哂足料又超多款式。今次要咗媽咪朱古力雞蛋仔和益力多沙冰。由於係即叫即做，所以都要等一等。呢度的雞蛋仔水準非常好，足料之餘又做到外脆內軟，餡料十足載住滿滿的朱古力，煙煙靭靭。除咗雞蛋仔質數高之外，今次仲換上新包裝，得意設計的紙袋上再釘了小孔透氣，確保雞蛋仔外皮脆度，設計時尚得來又夠體貼。除咗雞蛋仔之外，呢度仲有好多特色飲品。益力多沙冰酸酸甜甜，配雞蛋仔食真係一流。現購買任何雞蛋仔配飲品，飲品仲有減$4的優惠。