水松見料理放題 (已結業)

今日帶老豆試新放題，應該係長沙灣唯一一間日式放題。入到去即刻叫左枝熱既日式清酒兩仔爺一齊飲！壽司魚生好新鮮，份量啲式，咁樣我地可以試多幾款壽司。刺生方面好fresh又肥,岩曬我地班三文魚控。聽餐廳服務員哥哥講原來佢地最近有時令生蠔拼盤加肥牛火鍋，都係俾多幾十蚊，姐係二百三蚊一位，認真抵食！入面除左一人一隻瀨尿蝦同蟹仲有東風螺外，仲有生蠔任食，，正！d蟹膏鎳好肥美，生蠔食落去無淡味，會有一陣海水味，證明生蠔夠曬新鮮，配埋自家制辣醬，味道一絕！之後試埋羊架，手卷、卷物，值得讚就係海膽手卷，d海膽係無藥水味，都係有海水味；另外羊架無羊騷味，隻隻夠曬大，啖啖肉，阿爸食過話要再安歌。最後試埋炸物天婦羅，可讚係雞翼明太子同炸芝士，包保你一試難忘。總括黎講，今餐放題d食材新鮮,價錢好公道,埋單加一每位都係二百幾，我覺得係三，四百蚊放題既質素。加上係任食生蠔，員工服務態度非常好，又無漏單，真係物超所值。