御．八幡屋日本料理 (已結業)

今日為左同我朋友補祝生日所以book左呢一間新開嘅放題試吓。首先講下壽司呢一間佢有好多都係自創嘅款式包括紅之花，橙之花同埋白之花，最特別係紅之花佢係吞拿魚青瓜同沙律醬份量合埋，魚嘅味道都唔錯唔會覺得好乾而且都入口幾易溶化，另外佢嘅白之花都好有驚喜好似係mix埋油！蟹子沙律個口感好好味好豐富而且油甘魚味道好鮮我同友人大讚😍講到湯～我哋叫咗人蔘湯同埋部隊鍋， 人蔘湯味道唔會太苦幾好飲～都有少少中藥嘅香味咸咸地，小小苦苦地，幾香。部隊鍋辣辣地配埋佢嘅韓式公仔麵同一啲餐肉泡菜好過癮，而且個麵好彈牙，唔係普通平價嘅公仔麵。炸物方面都係同一般放題差唔多不過不失，不過有一樣特別嘅係佢有一個芝士雞柳，佢係即叫即焗芝士好香配埋個雞柳鹹鹹地，又幾creamy，咁但比較易飽。講到甜品，佢亦都係有一啲佢自己獨有嘅例如係榴槤糯米糍同埋brownie！榴槤糯米糍非常之香同埋煙韌，推介榴槤粉絲一定要試：）總括嚟講覺得佢嘅食物都有一啲自己嘅特色，而且平均水準都幾高，值得再嚟！仲有磯燒架！只不過我地好懶，唔想自己燒