一盛極牛 (已結業)

#LuBie尖沙咀🍜極牛拉麵🔽呢間主打以牛作為主要食材 連youtuber 都有介紹 最近幾有人氣既拉麵店，今日終於都有時間黎試試佢。佢既牛骨拉麵仲要每日限定150碗咁巴閉， 而且係香港好似都未聽過以全牛骨去煲既湯底黎整拉麵 所以都幾創新同獨特。🔽拉麵既主角之一既牛肉係來自熊本縣既和牛，可以揀就咁刺身食或者火炙啲牛肉 今次就揀左火炙牛肉，牛肉炙燒完之後多左陣香味 燒完都仲係好嫩滑 牛既肉味好重好正 加上係和牛 油香加埋個肉味真係停唔到口，就算要加錢要多件牛肉都係值得既。湯頭係煲左二十個鐘既牛骨湯底，有別於豬骨頭底 佢係清湯黎既 但湯既顏色好深 有非常清甜好有牛骨味 無好膠質同粘口既感覺 非常好飲。麵方面 材料係來自日本既 用特別既水去做個麵 雖然詳情就唔太清楚，但係個麵又真係幾好食 比較粗身既拉麵 但好有彈性 幾有蛋香味 我個人就幾鐘意呢個麵啦。🔽除此之外 拉麵仲有好多唔同既配料俾你揀要唔要，有芽菜、黑目耳絲、荀、紫洋蔥、溏心蛋同紫菜。佢地有比較少有用黎做拉麵配料既紫洋蔥 不過阿Lu就覺得同個拉麵唔太夾。溏心蛋都過火左少少 唔太流心。🔽總結黎講味道同質素都幾高 而且牛骨湯拉麵係香港真係