翔壽司 (已結業)

隻佬剪完頭髮，我地係尖沙咀搵食！行到黎厚福街想食日本野，見到呢間小店唔錯，又做緊優惠！都係排兩三張枱都可以等下！我地等左十分鐘左右都算好快👍🏻 我地好快睇左想食乜，唔太餓，叫左兩客睇下食完再算！我地叫左 炙燒壽司盛合，呢五件有 炙燒吞拿魚腩/炙燒三文魚腩/炙燒左口魚邊/炙燒帶子/炙燒銀鱈魚，鱈魚好特別，隻佬話好食，同我地食開果隻味係唔同，有咬口既！我就食左佢件左口魚群邊，入口即溶 👍🏻 仲有個帶子勁甜，燒完仲濃味 👍🏻👍🏻再黎就係 特上壽司盛合，海膽/三文魚籽/牡丹蝦/帶子/拖羅/深水池魚/油甘魚/池魚/鯛魚，我就梗係超愛 海膽 同 拖羅！前者用加拿大膽，好大塊，好甜好新鮮！拖羅不得了！入口即溶，咬兩啖就消失，魚油係口唔散！好幸福 🥰 仲要讚一讚隻蝦，鮮甜到不得了 ❤️ 好似仲差少少，我忍唔住叫左件鰻魚壽司埋個靚尾，厚身同汁好香，唔會好似出面死甜！唔錯！下一站食甜品 🥰🥰