樂湯雞麵館 (庇利金街) (裝修中)

好耐無出街食嘢，收工想食好少少，順便幫襯下小店。我大食啲叫咗個套餐，超多嘢食，有花膠翅、海味一品煲、醉雞同鮑汁海味飯，好豐富。金湯花膠翅有南瓜湯底，加埋好多花膠同翅，仲要大大碗，好滿足。海味一品煲有瑤柱、海蔘、兩大舊花膠、鮑魚同花菇，入味又足料醉雞又係誠意之作，除咗酒仲落咗啲桂花，好清香，仲可以食埋啲杞子同蟲草花。鮑汁海味飯，又香又足料我地另外再叫咗個砂鍋花膠雞湯翅，真係特級推介，呢個係一人分量，大大個砂鍋。湯夠濃又多料，超級正超級抵食要提一提，食落就知啲食物係無落味精，值得一贊。呢個價錢，有咁足料咁有誠意嘅質素，真係超值。怪唔知坐低見佢不停咁有好多熟客買外買返去食。