愛文生

營業中

休息中

呢間深水埗嘅大排檔長期爆滿，就算係星期一至四佢都好多人，建議去之前用GULU APP攞飛先就唔使等咁耐，呢度每一碟小菜都超級大碟，非常抵食，而且好有鑊氣。避風塘虎蝦 $208雖然食得出係冰鮮蝦，不過炒得非常有鑊氣，避風塘嘅辣椒同埋炸蒜炒得勁香，直頭有少少辣，非常惹味。椒鹽炸鮮魷 $138啲魷魚炸得超級香脆，同時又唔會好油，仲要非常彈牙，而且椒鹽份量落得好夠，餸飯一流。黑椒薯仔牛柳粒$138薯仔同埋牛柳粒都非常之多，牛柳粒唔會好韌，加埋用蜜糖同埋辣椒去炒過，兩樣一齊食超級夾。