地中海休閒餐廳 (已結業)

偶然經過BU , 隨心地入去食個lunch, sem break 唔洗等位， total order左2樣野，分別係香烤雞柳凱撒沙律同埋雙層芝士煎蛋牛肉漢堡。香烤雞柳凱撒沙律： 健康之選，但味道好好。雞柳烤得好好，切薄左烤得更香，份量都好足夠。菜係幾新鮮，而家整體上成個凱撒沙律既味道好夾，唔會太多source. 細食之人相信食完個沙律都飽足成個下午！ 雙層芝士煎蛋牛肉漢堡： 由於男友唔舒服唔可以食薯條，waiter都好體貼地將薯條轉左做白飯，體貼程度值得一讚！漢堡好夠熱，麵包好香好脆！牛肉都算有牛味而家保持到肉汁，10分都有8分以上！唯一係個芝士味道唔算好出，但相信係要顧及有人未必受到太重太咸既芝士味，所以整體都係好高分！ 另外Bristro既飲品都keep住幾好飲，咖啡款式唔多但質素都ok! 麵包更加係好食(但唔係全部lunch set都有)! 環境方面絕對係鬆動適服，音樂唔嘈，冷氣適中又唔會催你交台，waiter waitress 都好有禮貌，服務質素好高！已經食過不下十次，但會繼續支持！