御名園 (已結業)

平時都會鍾意同屋企人黎飲茶，見佢而家晚市做緊好多優惠，特登黎食下小菜🥳當晚比較早到，所以唔算好多人。每張檯都隔開一定距離，坐得好舒服😌叫指定主菜加一蚊就有咕嚕肉，好抵！！！瑤柱上湯浸豆苗｜又到食豆苗既季節❤️豆苗好嫩，索哂鮮甜既雞湯，簡簡單單已經好好味😋金蒜銀絲蒜蟶子｜蟶子好大條😍蒸既時間岩岩好，爽口仲好厚肉！墊底有超多粉絲，索哂蟶子既精華同豉油，非常惹味🤤鮮菠蘿咕嚕肉｜食小菜必點菜式⭐️咕嚕肉外層炸得好鬆脆，炸粉唔會太厚👍🏻豬肉肥肉偏多食落更香口！黑松露炒蝦球｜蝦球大大粒好彈牙，配埋黑松露醬更突顯鮮味🥰西蘭花都炒得岩岩好，入口爽脆，食得出好夠鑊氣！！木瓜雪耳糖水｜呢排咁乾燥食呢個糖水就岩哂，清甜滋潤❤️呢間好抵食，啲餸全部都大大碟又好味！