i kitchen (已結業)

去觀塘買完波鞋，睇埋玩具，經過巧明街，望到 i kitchen 閃閃發光的玻璃窗，心血來潮食返個燭光晚餐。觀塘好多好嘢食，今次 食 i kitchen 鍾意燭光晚餐的感覺，西餐啱晒我哋口味，好滿意 坐得舒服，食物賣相都好吸引 ，CP值高！香辣炸雞鎚🍗份量十足，香脆的外皮，炸雞鎚肉汁爆滿超級入味，香味散發出嚟，非常好味！主菜 加 $38 轉餐廚師餐湯餐湯一啲都唔馬虎，入口味道濃郁，口感 creamy, 加埋脆脆餅乾條，貼心又有誠意。巴馬臣芝士煙肉蛋黄醬意粉好鍾意食 Spaghetti Carbonara ，芝士煙肉蛋黃醬意粉🍝 名字好吸引，估唔到巴馬臣芝士味道好夾。意粉掛汁彈牙，意大利粉吸收晒蛋黄醬鮮味，軟硬適中，推介！煙三文魚薄餅滿滿煙三文魚口感實在太吸引，肉嫩真係冇得彈，好有口感，食到停唔到口，啱晒兩口子一齊share。薄餅超香脆，脆邊都好香，整個 pizza 🍕 配搭我哋都好鍾意。棉花糖朱古力賣相靚，朱古力味好突出，棉花糖好香，真係非常之吸引。玫瑰士多啤梨鮮奶顏色真係好靚，士多啤梨甜美，鮮奶底夠濃厚，配搭淡淡玫瑰花香，味道酸酸甜甜幾好飲！