影片
更多
2022-11-01
72 瀏覽
呢間日本菜之前已經食過佢哋嘅午市套餐，覺得性價比非常之高，今次特登同朋友再過嚟試返佢哋嘅廚師發板稻乙料理 ($880/1)，果然冇令我哋失望😆今次嘅前菜係鮟鱇魚肝，口感好綿滑，底到仲有少少海帶增加口感💗 跟住就有刺身拼盤，店員都有建議進食嘅次序，打頭陣嘅係令和之怪物生蠔，有啲酸汁撈好，吊返生蠔嘅鮮味出嚟，而且大大隻好飽滿creamy🥰 石垣貝口感爽脆，食落似象拔蚌😛 再食嘅深海池魚好鮮，而且夠厚切，再享受拖羅，感受佢嘅油脂係口腔慢慢溶化😚 最後仲有煙燻鰹魚，店員有介紹係店家用備長炭自家燻製，整體嚟講成個刺身拼盤都好impressive🤎食完刺身就會上壽司四貫🍣當日有帶子、牡丹蝦、火炙赤龍同海膽，四件都好新鮮，不過最鍾意嘅係火炙赤龍，燒過之後將啲魚油逼晒出嚟真心好香😍鹿兒島網燒和牛燒到入面粉嫩，配埋蒜片，加埋店家嘅酸汁同埋撈左Wasabi嘅蘿蔔嚟食， 令和牛嘅牛味更加突出🐮 另一份熱食係清酒煮蜆，隻隻蜆都夠晒鮮甜，而且冇沙，亦都夠入味，食到最後連啲湯都入埋🤣之後上嘅就係天婦羅拼盤🍤白子白潺潺，而家十月開始當造，食落去好好滑好順口，味道好鮮，天婦羅炸衣厚薄適中，青椒仔同蕃薯天婦羅就正常發揮
11 瀏覽
0 讚好
0 留言
今次嘅前菜係鮟鱇魚肝，口感好綿滑，底到仲有少少海帶增加口感💗
5 瀏覽
0 讚好
0 留言
6 瀏覽
0 讚好
0 留言
3 瀏覽
0 讚好
0 留言
6 瀏覽
0 讚好
0 留言
食完刺身就會上壽司四貫🍣當日有帶子、牡丹蝦、火炙赤龍同海膽，四件都好新鮮，不過最鍾意嘅係火炙赤龍，燒過之後將啲魚油逼晒出嚟真心好香😍
2 瀏覽
0 讚好
0 留言
4 瀏覽
0 讚好
0 留言
鹿兒島網燒和牛燒到入面粉嫩，配埋蒜片，加埋店家嘅酸汁同埋撈左Wasabi嘅蘿蔔嚟食， 令和牛嘅牛味更加突出🐮
5 瀏覽
0 讚好
0 留言
4 瀏覽
0 讚好
0 留言
2 瀏覽
0 讚好
0 留言
之後上嘅就係天婦羅拼盤🍤白子白潺潺，而家十月開始當造，食落去好好滑好順口，味道好鮮，天婦羅炸衣厚薄適中，青椒仔同蕃薯天婦羅就正常發揮～
5 瀏覽
0 讚好
0 留言
其實食到呢度嘅時候已經勁飽，最後仲可以揀魚湯或者係魚湯烏冬，一想魚湯嘅時候已經聞到勁香，睇到佢奶白色嘅湯就知道佢熬製得非常鮮甜，烏冬偏幼身，但係彈牙有咬口，雖然好飽，但係都成功飲晒成碗湯加食晒成個烏冬，就知個魚湯真係好得🤪
5 瀏覽
0 讚好
0 留言
總括嚟講，呢間日本餐廳非常高質，值得推介，加埋佢嘅座位闊落舒適，環境幽靜，私隱度好高，店員亦都好殷勤，服務好好，絕對會推介其他朋友過嚟🤤
張貼
