影片
更多
2021-09-01
16 瀏覽
天后不嬲都有好多嘢食，我耐唔耐都會入嚟搵野食嘅，今次就比我搵到一間位於清風街既居酒屋🏮😌侍應安排咗我哋坐竹房，有私人空間可以慢慢吹水，唔使俾人打擾到，正！👍🏻由於都想飲酒，所以侍應介紹咗我哋試個清酒Combo, 有三杯倒滿晒嘅清酒🍶，味道由辛口至甘口既都有。用好抵嘅價錢就已經可以試曬三款唔同嘅清酒，好難得！清酒Combo $188神藏、望、雁木前菜: 沖繩水雲漬 $68呢個其實係啲海藻類，有啲似係髮菜咁嘅，個質地幾得意，加埋個酸酸甜甜既汁好清新炒枝豆 $38呢個有落到黑蒜同鹽去炒，比平時食開嘅惹味同香好多串燒方面我哋雞牛豬魚各類都有嗌黎試下。雞頸肉 $38雞尾 $25鹽燒雞中翼 $28雞方面全部都係日本黎既雞肉，信心保證，食落肉質好嫩。紫蘇芥末豬五花腩 $32層次分明，肥瘦均勻，食落一啲都唔油膩燒白鱔 $68平時係出邊食嗰啲都比較淋，但呢個外皮燒得幾脆幾香，食落肉質彈牙，又係一個好得意嘅口感，未試過！😋鵪鶉蛋 $22燒鵪鶉蛋真係未聽過，其實都係薄薄地燒一燒，食落有蛋香味。芝士年糕 $22雖然剩係得一粒唔係好夠食，但係咬開有滿滿嘅芝士，岩曬芝士控。牛小排蘿蔔蓉醋串 $45呢個燒得啱啱好，
侍應安排咗我哋坐竹房，有私人空間可以慢慢吹水，唔使俾人打擾到，正！👍🏻
由於都想飲酒，所以侍應介紹咗我哋試個清酒Combo, 有三杯倒滿晒嘅清酒🍶，味道由辛口至甘口既都有。用好抵嘅價錢就已經可以試曬三款唔同嘅清酒，好難得！
清酒Combo $188
神藏、望、雁木
前菜:
沖繩水雲漬 $68
呢個其實係啲海藻類，有啲似係髮菜咁嘅，個質地幾得意，加埋個酸酸甜甜既汁好清新
炒枝豆 $38
呢個有落到黑蒜同鹽去炒，比平時食開嘅惹味同香好多
串燒方面我哋雞牛豬魚各類都有嗌黎試下。
雞頸肉 $38
雞尾 $25
鹽燒雞中翼 $28
雞方面全部都係日本黎既雞肉，信心保證，食落肉質好嫩。
紫蘇芥末豬五花腩 $32
層次分明，肥瘦均勻，食落一啲都唔油膩
燒白鱔 $68
平時係出邊食嗰啲都比較淋，但呢個外皮燒得幾脆幾香，食落肉質彈牙，又係一個好得意嘅口感，未試過！😋
鵪鶉蛋 $22
燒鵪鶉蛋真係未聽過，其實都係薄薄地燒一燒，食落有蛋香味。
芝士年糕 $22
雖然剩係得一粒唔係好夠食，但係咬開有滿滿嘅芝士，岩曬芝士控。
牛小排蘿蔔蓉醋串 $45
呢個燒得啱啱好，食落有濃郁既牛味，好juicy!
豆佐豆腐 $58
豆腐好嫩滑，加埋木魚絲多一層口感。
鮑魚山芋鐵板燒 $98
呢個得意在佢係用山芋黎做鐵板燒，上面再加左啲鮑魚片，雖然落咗好多醬汁，但食落唔會成口醬，都仲係好好味。食完呢個我哋兩個都飽飽啦🤤
總結嚟講呢度嘢食，環境同服務都係唔錯嘅，下次等我帶下其他朋友嚟試吓先😁
張貼
