影片
更多
2019-08-26
199 瀏覽
今日收工約咗朋友去到九龍城食飯，發覺九龍城越開越多小店，尤其係好多日本居酒屋，見呢間浜瀧都幾多人食，朋友就提議試下呢一間。餐牌選擇好多，樣樣都想食，真係好掙扎。一入門口就聞到好香串燒味，就先嗌咗幾款串燒食，分別有大蔥雞肉串、雞胸骨串、燒秋葵等等。大蔥雞肉串夠特別，要撈埋醬汁同大蔥食，啲肉食落好香滑，又多汁，正。雞胸骨味道都唔錯，脆卜卜又爽口。燒秋葵唔會太乾，醬汁夠惹味。柚子蜜梳打味道清新，仲有唔少柚子絲，飲落解渴醒神。半熟吞拿魚肉質鮮甜，加上酸酸甜甜嘅醬汁，非常開胃。見唔少客人都有叫呢個鮮蠔土手鍋，啲蠔都幾大隻，食落好新鮮，味道濃郁，而且仲有好多蔬菜，食完都無罪惡感。至於呢個原條池魚刺身，肉質結實而有彈性，入口清甜，食完之後，店家仲會幫客人將魚骨香炸做小食，非常有心思。炸起嘅魚骨好香脆，加埋椒鹽，好啱送酒。整體食物都幾高質，雖然店子小小，但坐得都舒服，而且服務貼心，下次會再幫襯！
餐牌選擇好多，樣樣都想食，真係好掙扎。
一入門口就聞到好香串燒味，就先嗌咗幾款串燒食，分別有大蔥雞肉串、雞胸骨串、燒秋葵等等。
大蔥雞肉串夠特別，要撈埋醬汁同大蔥食，啲肉食落好香滑，又多汁，正。
雞胸骨味道都唔錯，脆卜卜又爽口。
燒秋葵唔會太乾，醬汁夠惹味。
柚子蜜梳打味道清新，仲有唔少柚子絲，飲落解渴醒神。
半熟吞拿魚肉質鮮甜，加上酸酸甜甜嘅醬汁，非常開胃。
見唔少客人都有叫呢個鮮蠔土手鍋，啲蠔都幾大隻，食落好新鮮，味道濃郁，而且仲有好多蔬菜，食完都無罪惡感。
至於呢個原條池魚刺身，肉質結實而有彈性，入口清甜，食完之後，店家仲會幫客人將魚骨香炸做小食，非常有心思。
炸起嘅魚骨好香脆，加埋椒鹽，好啱送酒。
整體食物都幾高質，雖然店子小小，但坐得都舒服，而且服務貼心，下次會再幫襯！
張貼
