海南少爺 (已結業)

海南少爺海南雞🐥🐥飯係東南亞菜色，食東南亞菜嘅地方必定有海南雞飯🐥🍚。但好食嘅海南雞就唔係到到都有。今日經開海港城見到海南少爺。朋友上次極度推介一定要試。初初見到價錢$240得半隻🐥真係有少少卻步。但試過之後真係一分錢一分貨😋😋😋海南雞半隻$240，送一碗雞湯🥣同一碗雞油飯🐥🍚。可惜今次係見外賣🥡。如果下次係到堂食一定要揀靠窗位置。因為會見到海景🌊😍透露年齡祕密，如果大家細過睇過一個廣告有個小朋友大叫：我要食雞，唔要雞皮！相信大家都估到小編咩年紀。但今次小編嘅重點係：我要食雞🐥🐥，同埋食晒啲雞皮！因為呢隻雞🐥🐥真係好好食😋 雞肉勁滑，雞皮厚同埋夠爽脆， 而且仲有少少啫喱狀雞油 。雞油飯🐥🍚呈現微黃顏色，味道香而不油。食海南雞當然唔少得有三色醬🫕。分別係熱油薑蓉，黑醬油同酸辣汁。我自己最鍾意酸辣汁，佢味道偏辣🌶️。岩晒好食辣🌶️嘅小編。整體而言，主角：雞🐥無懈可擊。三色醬汁亦都帶到雞嘅香味。雞油飯亦係合格有餘。下次可以再戰。