刈Bao台式創意小食 (已結業)

大家經常講黃色經濟圈，今日我就嚟左呢間有連農牆嘅小食，唔單止係良心小店，啲嘢仲係非一般好食。作為晚餐，嗌左三樣嘢都好飽了。古早味腩肉刈包，腩肉好冧好入味，食落又唔會好肥成口油咁，因為作除左夾生菜，仲有一片酸蘿蔔同一啲蒜茸，一啖咬落去，口感好豐富，個汁都好好味。而我就最鐘意佢個包，甜甜地又軟熟，完全係想追住嚟食。鰻魚玉子饅饅，有厚玉子加埋鰻魚，連埋個鰻魚汁，原來同炸饅頭係咁夾架，個饅頭炸到脆中帶軟，咁樣食都係第一次。鹽酥雞配香芋地瓜球，佢呢度嘅鹽酥雞冇得輸，炸粉超級薄，雞粒咬落去軟嫩帶汁，真係食唔停。而個香芋地瓜球作為甜品都好正，中間嘅芋泥唔會太甜，岩岩好，外脆內軟，好味。