金滿港式小食

營業中

休息中

之前食過呢間嘅燒賣同炸魚旦配佢嘅獨家醬汁好好食，今次一心諗住試下佢嘅白魚旦，點知去到佢加左好多嘢食，最吸晴嘅相就係佢嘅瑞士雞翼，加埋撈麵都係$25，忍唔住就叫左，喺等嘅其間比我見到佢竟然賣大埔振興嘅牛丸，眾所周知呢間嘅牛丸雖然好食，但出左名貴，佢賣$20-4粒🤩🤩，真係好抵，可惜個肚位置有限，下次必食！再睇埋佢其他小食，全部都係貴貨，真係高品質嘅小店。講返我嘅瑞士雞翼撈麵，勁大隻雞翼，個瑞士汁好好味，雞翼裏面仲有肉汁，唔會好乾，配埋佢嘅獨家醬汁撈麵真係冇得頂😋😋😋。其實我好少寫食評，佢真係值得我去為佢點讚👍🏻👍🏻一定要支持呢啲好食嘅小店舖！！！