壽司豐 (已結業)

稻·特選の寿司十貫、稻庭烏冬 ($480)明太子蛋卷味道甜中帶辣，好開胃。茶碗蒸滑嫩鮮味，蛋味香濃。鱆紅魚壽司鱆紅魚肉質鮮美，清脆爽口，入口魚味香濃又帶有陣陣柚子味，味道清新。赤貝壽司赤貝肉質爽脆，味道鮮甜，口感十足。甜蝦壽司甜蝦質感鮮嫩軟糯，膠質豐富，味道鮮甜甘香。深海池魚壽司深海池魚魚味濃厚，口感爽脆，食到甘香嘅油份。鱲魚輕燒壽司鱲魚肉質爽口鮮美，口感煙韌有咬口，經輕輕燒過入口充滿油香。北海道帆立貝壽司北海道帆立貝肉厚肥美有彈性，爽脆鮮甜，師傅已調味，連豉油都唔洗點，入口鮮味滿瀉。毛蟹壽司有蟹肉同蟹膏，鮮嫩嘅蟹肉加埋味道濃郁嘅蟹膏，入口食到濃濃嘅蟹香，充滿鮮味。赤身醬油漬壽司赤身肉質軟腍，魚味十足，口感清爽。大拖羅壽司大拖羅軟嫩無渣，魚油豐富，啖啖鮮味。海膽手卷海膽瓣大塊完整，色澤金黃，肉身肥厚，份量十足，入口味道鮮甜，鮮味澎湃。稻庭烏冬食完壽司，仲有碗熱辣辣嘅烏冬暖一暖胃，稻庭烏冬柔滑彈牙。豆腐雪糕食完咁多美食，又點少得甜品！豆腐雪糕豆腐味香濃，口感軟滑。