元気寿司 (新都會廣場)

營業中

休息中

朋友話想食日本野又唔食得多，所以就揀左元氣，有得一件一件叫，元氣性價比高所以門口成日堆滿人，今次都唔例外，等左半個鍾左右就有位。今次呢間係高速線，自己用ipad落order，唔洗迴轉轉黎轉去都冇自己想食果d。自己好最鍾意炙燒，所以基本係炙燒我都叫左，包括左口魚裙邊、辛三文魚腩、長吞拿魚柚子。最得我歡心就係左口魚裙邊啦，可惜唔係入口即溶，曾幾何時食過一次入口即溶左口魚裙邊，我一試愛上啊。長吞拿魚柚子口感幾好，不過就唔太鍾意個柚子醬。仲有一碟好想極力推介係帆立貝壽司，肉質肥美鮮甜，正啊！