M3 Italian (已結業)

平時我自己都會見到好食嘅餐廳就會save低咗，一有時間就可以過去食飯！今次終於都嚟到我一直safe咗好耐嘅餐廳，就係呢一間係大圍嘅M3 Italian 😍呢一間餐廳可以話係大圍區嘅名物，好多人都有介紹過！自己今次過嚟嘅時候就非常期待！叫咗一份傳統西班牙燒乳豬，呢度嘅乳豬好好食，外皮好脆，而且呢度嘅豬肉非常嫩！好林好香嘅豬肉味道！另外仲叫咗帕爾瑪火腿芝士薄餅，呢度嘅薄餅應該話係其中一個招牌菜之一，好薄嘅餅底，而且加埋上面嘅火腿好好味！仲有一個M3沙律，大大份嘅沙律，而且上面仲有煙三文魚同埋火腿！再加埋幾個唔同嘅醬汁，食沙律都可以食得好高級好滿足！最後就係法式生牛肉他他，呢一個生牛肉好好食，我自己都係第一次試呢個菜式，估唔到係咁特別嘅味道！