📍地點：九龍灣牛頭角道77號淘大商場地下G143-162號舖
今次同朋友去咗「牛気」試吓佢哋個Lv5澳洲極上和牛+海鮮放題，真係好正啊😍
～和牛🥩
啲牛肉睇落去已經好靚，油花均勻，放入個壽喜燒湯底度淥一淥，幾秒就食得！入口即化，牛味超濃，仲有陣陣甜香，真係食到停唔到口啊！👏💯
～海鮮🦐🦑
都一樣咁出色！有大蝦、扇貝、青口同魷魚等，全部都好新鮮，咬落去彈牙又鮮甜，一啲雪藏味都冇！扇貝鮮甜到不得了，好正；朋友就最鍾意隻大蝦，肉質爽彈，證明夠晒生猛！😍
另外都特別鍾意呢度嘅甜品😁
～十勝紅豆豆乳冰豆花
豆花滑滑嘅，好似雲咁輕，紅豆甜而不膩，加埋啲色彩繽紛嘅乾水果粒，口感層次超豐富，食落清新又開胃🍧，夏天食最啱！
1
～榴槤大福
超正！外皮軟糯又有啲粉粉感，入面嘅榴槤餡好creamy，香氣撲鼻又唔會太膩，一啖咬落去滿足感爆燈😍！絕對係榴槤控必試嘅甜品呀！
環境方面，「牛気」地方夠大又乾淨，裝修簡潔得嚟又舒服，座位闊落，唔會逼夾，啱晒同朋友一路打邊爐一路吹水✨ 另外，服務員工態度友善，換碟同收空碟都好快手，又值得一讚😁
總括來講，「牛気」絕對係高質放題之選！牛肉同海鮮都咁靚又新鮮，環境又舒服，呢個價錢食到咁高質嘅和牛同海鮮，真係性價比極高！已經約定班friend下次再encore～🙌💕
