黑樺牛 (已結業)

呢日happy friday走去食個火鍋放題開心下，試咗呢間響尖沙咀堪富利士道嘅和牛火鍋放題。和牛火鍋放題 ( $398一位），主打日本黑樺牛，120分鐘任點任食。餐廳地方寬敞，環境舒適，食品選擇亦都好多。湯底有7款選擇，我地清清地點咗鰹魚大根昆布鍋。餐單入面嘅選擇都有唔少和牛部位，包括: A5黑樺和牛特上霜降小排， A5黑樺和牛牛小排， A5黑樺和牛上肩胛肉， A5黑樺和牛肩胛梅花， A5黑樺和牛玉子後腰肉， A5黑樺和牛牛頸脊等。和牛質素相當高，入口嫩滑，牛味濃郁。除咗和牛放題外，個餐亦包咗北海道大元貝牡蠣海鮮拼盤，每人有北海道大元貝一隻、兩隻生蠔、一隻大蝦，海鮮味道鮮甜，新鮮好味。海鮮之外，仲有另一個精選層架送，入面有和牛、五花肉、手打蝦滑及手打墨魚滑。蝦滑加左蟹籽，墨魚滑亦加咗黑松露，令味道更加豐富好味。餐廳用QR code點食物，入面選擇都多，包括有菜類，餃類、丸類、小食、烏冬。 自助區亦有飲品及甜品提供，包括幾款自家制茶飲，感覺健康。另外，亦有幾款沙冰提供。甜品仲有雪糕，當中更有榴槤雪條，榴槤控必食。呢個價錢包咗高質和牛之餘，仲有蒸海鮮同黑樺牧場精選層架，性價比相當高，兩