影片
更多
2025-02-24
230 瀏覽
之前同朋友試過牛大人台灣火鍋，一直念念不忘，呢日到訪位於將軍澳嘅分店，地方闊落，環境相當不錯。吃到飽套餐分別有四個餐，正價時段由$258- $488，全部都係120分鐘任點任食。我哋諗住食好啲，點咗最貴嘅日本黑毛和牛A4餐。 湯底選擇共有十款湯底，款款都係好有特色。因為想試真啲個和牛，我哋點咗個阿嬤養生濃湯鍋，入面有好多蟲草花，桃膠，菇菌及蔬菜等，非常足料。 重頭戲當然係佢嘅日本和牛，賣相已經非常靚仔，雪花分布平均。牛味濃郁，入口即溶，真心非常高質。另外亦點咗澳洲和牛M5牛肩卷，牛味好香，質素亦相當好。 套餐仲包咗一個海鮮拼盤，入邊包咗小龍蝦、帶子、蠔、鮑魚等。佢嘅海鮮亦非常新鮮好味，真心有驚喜。牛肉、豚肉及其他火鍋配菜可以透過QR code落單，入邊嘅選擇都好多。推介佢嘅墨魚滑，爽口彈牙。另外仲要推介佢嘅和牛牛丸非常好食，入口好juciy。雖然要加錢，但值得推介。
自助食物區地方闊落，菜類，餃類、丸類、小食、麵食，選擇好多。飲品可以喺自助區度拎茶飲、檸檬茶及汽水之外，同場亦有熱飲選擇，包括無糖紅茶及黑糖薑母茶，仲可以利用QR code點選多款台式特飲，例如珍珠奶茶、手搖檸檬茶等。值得
之前同朋友試過牛大人台灣火鍋，一直念念不忘，呢日到訪位於將軍澳嘅分店，地方闊落，環境相當不錯。
吃到飽套餐分別有四個餐，正價時段由$258- $488，全部都係120分鐘任點任食。我哋諗住食好啲，點咗最貴嘅日本黑毛和牛A4餐。
湯底選擇共有十款湯底，款款都係好有特色。因為想試真啲個和牛，我哋點咗個阿嬤養生濃湯鍋，入面有好多蟲草花，桃膠，菇菌及蔬菜等，非常足料。
重頭戲當然係佢嘅日本和牛，賣相已經非常靚仔，雪花分布平均。牛味濃郁，入口即溶，真心非常高質。另外亦點咗澳洲和牛M5牛肩卷，牛味好香，質素亦相當好。
套餐仲包咗一個海鮮拼盤，入邊包咗小龍蝦、帶子、蠔、鮑魚等。佢嘅海鮮亦非常新鮮好味，真心有驚喜。
牛肉、豚肉及其他火鍋配菜可以透過QR code落單，入邊嘅選擇都好多。推介佢嘅墨魚滑，爽口彈牙。
另外仲要推介佢嘅和牛牛丸非常好食，入口好juciy。雖然要加錢，但值得推介。
自助食物區地方闊落，菜類，餃類、丸類、小食、麵食，選擇好多。
飲品可以喺自助區度拎茶飲、檸檬茶及汽水之外，同場亦有熱飲選擇，包括無糖紅茶及黑糖薑母茶，仲可以利用QR code點選多款台式特飲，例如珍珠奶茶、手搖檸檬茶等。
值得一題，呢期甜品仲附近雀巢KitKat雪糕批，另外亦有Dreyers雪糕批選擇，全部都係高質牌子。
呢間食物嘅質素非常高，尤其鍾意食牛嘅朋友值得一試。
張貼
