牛大人台灣火鍋吃到飽 (瓊華中心) (已搬遷) 新店位置

打邊爐會諗起邊間...🤔？一定非牛大人莫屬！過江龍牛大人是一家台式火鍋放題。係旺角都有兩間分店，分別係荷李活商業中心同瓊華中心。今次我去咗瓊華中心分店。呢道地方闊落，卡位同大圓枱都有。坐得幾舒服😍湯底有好多選擇。我哋就揀咗台灣鳳梨雞鍋🐣以鳳梨搭配少量苦瓜。湯底帶少少酸同清甜感覺，比其他湯底較輕盈🥒套餐方面就揀咗最豪華嘅澳洲極上和牛吃到飽套餐🐮！比其他套餐多咗澳洲和牛M5 牛肩卷、手切封門柳、安格斯牛小排同安格斯一口牛肉粒。仲送埋澳洲M9和牛牛丸一客。口感爽口彈牙，牛味好濃郁！安格斯牛小排都好滑嫩，encore咗好多次！牛大人期間限定推出咗北海道十勝豚🐷油脂豐富，爽口肉味濃郁。另外仲有台灣直送配料，澎湖花枝漿、真味牛肉漿、手打旗魚漿、台灣海鮮漿。我叫咗真味牛肉漿，好夠彈牙！而台式蛋餃同台式蝦餃都好特別🦐蝦餃皮薄飽滿。一坐低就點咗幾款小食醫醫肚，真豬小香腸扎實有嚼勁。私房麻辣鴨血好香，唔會有腥味，微辣食上癮🔥雪櫃自助區可以自取多款包心丸、蔬菜。飲品區有自家製冷泡茶，桂花烏龍清新茶香。亦有點選特飲，金桔椰果酸酸地好開胃。最後食埋甜品，雪糕或仙草凍，完美～～【 牛大人台灣火鍋吃到飽 】📌 旺角