La Moo Moo' s Steak and Fries (已改名) 查看

早排成日見人介紹位於灣仔嘅西餐廳La Moo Moo’s Steak and Fries，所以今日專登同男朋友去食午餐。餐廳裝修得好有氣氛，好適合情侶去撐枱腳。🥰我地叫左兩個lunch set，分別係Signature 10oz Premium NZ Ribeye Steak同La Moo Moo’s burger。La Moo Moo’s burger幾大份，漢堡扒又厚，麵包食落好鬆軟，漢堡扒配上芝士同洋蔥真係無得彈，好juicy。食得非常滿足，值得推介。☺️除左burger外，午餐重配埋餐飲，因為天氣太熱，所以叫咗凍檸茶涼一涼。😆而另一個set叫咗Signature 10oz Premium NZ Ribeye steak，medium，廚師煎得岩岩好，肉質非常鮮嫩！牛扒厚得黎又冧，油脂透出牛香味，非常濃郁👍🏼👍🏼呢個set重配埋餐湯、沙津同餐包，蔬菜湯健康得黎又濃郁。😋兩個餐都有配薯條，薯條炸得好脆，而且無乜油膩感。