肚餓了串燒烤焗專門店 (已結業)

開始踏入12月，又係飯局的季節，一班人吹水飲酒食飯最開心，飲酒配串燒係最夾，又唔會成身味！今次去左食尖沙咀的肚餓了串燒烤焗專門店，呢間其實已經食過幾次，但一直唔記得分享！食物質數真係OK，好怕有時串燒燒到乾哂，佢的牛柳粒／羊肉串／秘製雞肉串都好食好Juicy，咬落啖啖都有肉汁，佢的款式都幾多，唔會串串都係同一個味～叫左款極辣燒魷魚，真心辣，講真，我米線都食中辣架，但我真係覺得好辣，仲要係一食即辣，辣到咁，即刻要加啤酒，溝一溝淡先，哈哈！仲有個蒜蓉茄子都係我的飛佛，重口味代表，超級喜愛！之前一路都鍾意佢的黃金薯條，但今次無得食，改左黑松露薯條，我以為又係一般的黑松露沙律醬咁，點知佢係黑松露粉，個樣黑色，好似碳咁，都幾搞笑！仲有個黑松露燒帶子，size都算適中！總括黎講，我係幾鍾意呢間的食物。