影片
更多
2023-07-22
19 瀏覽
去開元朗臨走前食埋宵夜成日食B仔咁悶，今次搵咗間網上評價好高嘅串燒店男朋友話夜晚費事食咁多肉，我哋主要都係叫海鮮，兩個人少少哋，都食得好滋味！🔹澱粉米串(10串) $30🌟睇menu以為係普通粟米串燒，原來佢係糯米粟，咬落去煙煙韌韌，有孜然粉嘅鹹味，又有粟米嘅甜味，鹹鹹甜甜，一粒一粒咁樣，應該好花功夫，必食推介！🔹秘汁花甲 $88太夜食辣嘢驚喉嚨痛，所以叫咗蒜蓉味，平時串燒鋪花甲通常都好燶味，好驚喜地今次味道適中，唔會太鹹，啱啱好！夾埋金菇，索晒啲汁，好好味！🔹特大蒜蓉燒生蠔 $38隻🌟生蠔好大隻好肥美，而且燒得啱啱好，唔會太乾，推介！🔹惹味牛舌 $38牛舌係偏爽口質地，好食！🔹惹味臭豆腐串 $20唔算太臭嘅臭豆腐，相信怕臭豆腐嘅人都可以嘗試！🔹新鮮特大蒜蓉扇貝 $48隻🌟好大隻扇貝，燒得啱啱好，入邊仲係偏林身，推介！🔹新鲜串燒蝦 $15 隻男朋友係蝦怪，佢食咗第一隻之後就自己食埋其餘三隻，我一隻都唔敢搶佢😂 🔹甜燒菠蘿 $28🌟食串燒必點燒菠蘿！個人認為今次嘅燒菠蘿水準好高，燒得一啲都唔乾，仲要超級Juicy，又好甜，食完都唔覺得鞋口！🔹芒果沙冰 $32外觀好靚，打卡就啱晒！飲落去
成日食B仔咁悶，今次搵咗間網上評價好高嘅串燒店
男朋友話夜晚費事食咁多肉，我哋主要都係叫海鮮，兩個人少少哋，都食得好滋味！
🔹澱粉米串(10串) $30🌟
睇menu以為係普通粟米串燒，原來佢係糯米粟，咬落去煙煙韌韌，有孜然粉嘅鹹味，又有粟米嘅甜味，鹹鹹甜甜，一粒一粒咁樣，應該好花功夫，必食推介！
🔹秘汁花甲 $88
太夜食辣嘢驚喉嚨痛，所以叫咗蒜蓉味，平時串燒鋪花甲通常都好燶味，好驚喜地今次味道適中，唔會太鹹，啱啱好！夾埋金菇，索晒啲汁，好好味！
🔹特大蒜蓉燒生蠔 $38隻🌟
生蠔好大隻好肥美，而且燒得啱啱好，唔會太乾，推介！
🔹惹味牛舌 $38
牛舌係偏爽口質地，好食！
🔹惹味臭豆腐串 $20
唔算太臭嘅臭豆腐，相信怕臭豆腐嘅人都可以嘗試！
🔹新鮮特大蒜蓉扇貝 $48隻🌟
好大隻扇貝，燒得啱啱好，入邊仲係偏林身，推介！
🔹新鲜串燒蝦 $15 隻
男朋友係蝦怪，佢食咗第一隻之後就自己食埋其餘三隻，我一隻都唔敢搶佢😂
🔹甜燒菠蘿 $28🌟
食串燒必點燒菠蘿！個人認為今次嘅燒菠蘿水準好高，燒得一啲都唔乾，仲要超級Juicy，又好甜，食完都唔覺得鞋口！
🔹芒果沙冰 $32
外觀好靚，打卡就啱晒！飲落去好冰涼，好大杯，完全唔係行貨！一路食串燒一路飲，好過癮！
🔹津路烏龍茶 $20
醉美島 (元朗)
元朗鳳攸南街3號好順景大廈地下10號舖
張貼
