顏府御膳 (已結業)

好欣賞呢度嘅餐廳裝修同佈置都好有心思，而且佈置好有格調，所以有種好高級嘅感覺。鮑汁鳳爪呢個鳳爪份量非常多，足足有10隻鳳爪咁多，而且好香濃！青瓜海蜇頭我哋好鍾意呢度開胃小菜，有青瓜雲耳同埋海蜇頭，海蜇頭嘅口感好好，而且個汁係帶點麻辣，佢味道非常開胃，青瓜同雲耳幾健康，又可以中和返嗰種辣未。菠蘿咕嚕肉半炸雲吞個咕嚕肉炸得唔錯，外層嘅皮夠脆，仲有少少脆口，而且佢嘅菠蘿食得出係非常之新鮮，仲好新穎咁加入左士多啤梨呢種食材。砂鍋XO醬蝦乾肉碎芥蘭熱辣辣炒得好香口，除咗蝦乾同埋芥蘭都好足料，足夠四個人食，而且芥蘭都好爽口同，蝦乾的味道亦都好入味。